三脚猫探戈

三脚猫探戈

你敢有听着阮的声?半暝仔梦中,比刀仔较尖较利的长长的一声「喵……」。免惊,免惊,我只是一只失恋阁失眠的三脚猫,无人格,嘛毋是啥物人才,我是一只乌猫,做大某毋敢做细姨勉强,久久啊偷食一改。

四支脚予人打赌三支,啊,无彼号尻川莫食彼号落屎药仔。

你敢有看着阮的影?伫别人的厝顶跳来跳去,为着感受厝内底幸福的气氛。 叫我「小三」,我喵喵喵 叫三声,讲:我欠你哈账?

恁人,需要两个,纔通探戈我家己一个乱跳乱舞,日暝 颠倒,无需要褪裤。烦闷 就乱吼,欢喜就四界趋,目屎恰露水是我无仝爸母的姊妹,脚步踏差啥人无?我毋是失智,只是一时失败失志。音乐照常予响,噗仔照常共打,三斤的三脚猫,吞会落去四斤鸟鼠、五更愁,输甲涂涂涂,嘛都爱探戈……

发表评论

电子邮件地址不会被公开。 必填项已用*标注